أنت ما تأكل

كلام بسيط بديهي حقيقي بس لو تفهموه و تبدأوا تطبقوه رح تشوفوا تطورات كبييييييييرة على صحتكم و صحة أطفالكم من حيث النشاط و المناعة و الصحة.

أكيد مر عليكم و سمعتوا عن عمارة سقطت بمن فيها بعد كم سنة من بنائها... لأنه المهندس غش في نسب الحديد و الاسمنت مع الرمل و الحصى... صح!!! ما استطاعت أن تصمد لزمن طويل.

نحن كمان أجسامنا ممكن نحشيها أكل مصنع فيه مواد كيميائية حافظة، الوان صناعية، نكهات صناعيه، نسترخص و نشتري زيوت نباتية للطبخ، ملح مكرر و و و. حنقدر نعيش لكن ماهي جودة الحياة الي رح نعيشها!!!!

أمراض و آلام و أوجاع و عظام هشة و مناعة في الحضيض، جثث عم تآكل فيها الاوبئة و الأمراض لسنوات و ربما عقود من الزمن.

و السبب أن كل واحد فيكم عم يغش في مواد بناء جسمه، فمثلا: الزيوت النباتية التجارية تبع الطبخ، اولا معدله وراثيا و كيميائيا، و نعم تكون غنية بأوميغا3 و هي بالعلبة مقفولة، لكن لما نطبخ بها و نقلي بها و نعرضها للحرارة تتحول اوميغا3 الى اوميغا6.

كل خلية بجسمنا يحيط بها هيكل أسمه الغشاء الخلوي و يدخل في تركيبه نسبة متوازنة بين اوميغا3 و أوميغا6 حتى يقدر يؤدي وظائفه بشكل صحيح من السماح للمغذيات بالدخول للخليه و خروج نواتج الايض و الفضلات منها.

انت لما تتناول اوميغا6 كثييير و تغفل عن اوميغا3 , الجسم رح يمشي حاله و يصنع لك خلايا بأغشية فيها عدم توازن بين الاثنين، بالتالي لا تتوقع أن الخلايا تقوم بوظائفها الحيوية بالشكل الصحيح. و النتيجة رح تكون مرض مّا تفضل فيه حيران سنين و سنين💁🏻‍♂️

فإذا لغيت فقط الزيوت التجارية من مطبخك و استخدمت الزيوت الصح، رح تجد اختلاف كبييييير في صحتك و صحة عائلتك.