Search
  • BBs

السمنه


بنفس الطريقه اللي أتكلمت عن هشاشه العظام أيضا السمنه ما تعتبر مرض السمنه في عمقها و جوهرها وسيلة دفاع عن الجسم.. لأن الشخص السمين هو اللي فضل يسمم جسمه سنوات بتناوله لأغذيه مليانه سموم صناعيه من ملونات و منكهات و مواد حفظ و أملاح مكررة و سكر مكرر و مستخلصات غذائيه كثيرة جدا مصدرها أغذيه معدلة وراثيا. جسم الإنسان ما خلق حتى يصير ضحيه و مكب زباله لطمع إنسان آخر... لكن الآخر ماكر وعنده علم أستغله حتى يسحب اللي في جيب غيره عن طريق اللعب على شهوة التذوق اللي مرتبطه مباشرة بالمخ. و بالرغم من عدم إدراك الأول لحيل الآخر إلا أن الجسم بكل أعضائه فيه فطرة و خطط بديله كثير حتى يأخر الضرر و التسمم المباشر... و أحد هالخطط السمنه أو زيادة الوزن. يلجأ الجسم لتخزين الدهون مش حتى تكون مجرد خلايا دهنيه متراكمه فوق بعض... لا طبعا لكنها مخازن أكثر أمان حتى يرمي فيها السموم اللي فاقت قدرة باقي الأعضاء على التخلص منها وطرحها مثل الكليتين والكبد والجلد... لأنهم ما خلقوا حتى يتعاملوا مع أكثر من10000 الاف ماده صناعيه مصرحه بواسطهFDA الأمريكيه للإستخدام في الغذاء و مستحضرات العنايه الشخصيه. و بنفس الطريقه تراكمات الشحوم على الكبد هي الحل الوحيد المتاح لجسمك حتى الكبد يرمي فيها سموم أتجاوزت قدرته في التعامل معها وتفكيكها. طيب في سؤال يتبادر للذهن... خمول الغده الدرقيه هو سبب للسمنه صح؟؟؟ طبعا خطأ... الغده الدرقيه ليش صابها الخمول أصلا... مش إنت اللي سممتها بالفلورايد و البورون و و و ... و لما صابها الخمول لازم الذكاء الجسدي الفطري يجعل السمنه نتيجه لخمول الغده حتى تكون سلاح بديل لحمايته من صنبور السموم اللي فاتح حلقك تحته كل يوم😷... جسمك بيعطيك فرصه ووقت سنين حتى تتعلم و تفهم خطأك... لكن للأسف وتيرة التسمم زادت أضعاف مضاعفه حتى صابت الأطفال قبل ما يكبروا و يفهموا... وهذي من شروط اللعبه اللي فهمها تجار البشر و أتقنوها بحيث يزيدوا الطين بله حتى نغرق قبل ما نفوق على إننا عم نغرق. الأنسجه الدهنيه مخزن لمركبات صناعيه بعدد ما أتناولت و معادن ثقيله بعدد ما تعرضت لها و سكريات و نشويات بقدر ما أشتهيت و أكلت... مش مجرد دهون خام صافيه نقيه.


The best diet is No diet

أنظمه غذائيه طبيه و عليها دراسات و أبحاث و عمليات قص ولصق... و صحيح المريض بيفقد وزن لكن مين عايش تفاصيل هالإنسان و يعرف باقي مشاكله الصحيه... أو حتى هو نفسه بيتعرض لمشاكل صحيه بعد الدايت و مش عارف إنه الدايت تبعه أو العمليه هم السبب في ظهورها!!! كما قلت سابقا إن السمنه وسيله دفاع لتخزين سموم مختلفه و أكيد تمت على مدى سنوات من العمر مافي أحد نام و صحي لقي نفسه منفوخ... وعشان كدا لازم تفهم إنه هالدهون لما تبدأ تخسرها فإنت بترجع تحرقها و السموم اللي كانت متخزنه فيها تتحرر في الدم حتى ترجع تدور للكبد والكليتين حتى يتم طردهم. لذلك أول شي لازم تقفل ماصورة المجاري اللي عم تصب في جوفك قبل لا تبدأ تفكر في التخسيس... و بالتدريج حتى ما تصدم نفسك... كل إسبوع إلغي شي ضار و استبدله بشيء أفضل حتى يصير الأفضل عاده من عاداتك. إلغي السكر الأبيض مثلا وارفض أي طبق مستخدم فيه السكر الأبيض... و استبدله بالتمر أو العسل وبكميات بسيطه مش عشان طبيعي تكيلها😡. بس تتعود على أول تغيير إعمل تغيير ثاني.. إلغي الرز والخبز الأبيض و استبدله بالأسمر والحبوب الأخرى المتنوعه الكامله... وحاول تتعلم تتبيله سلطه تخليك تحب صحن السلطه... و هكذا شرب الماء بكميات وافرة نقطه مهمه... هو اللي حيغسل الجسم و يخرج بالفضلات و نواتج الإحتراق والأكسده. القولون لازم يكون سالك... و إلا اللي حيخرج من الكبد رح يمتصه القولون مره ثانيه و تصير تحت رحمة إعاده تخزين السموم مرة ثانيه لكن هالمره شو يضمن إنها حترجع تتخزن لي نسيج دهني مش في نسيج حيوي... و خلي في بالك لو السموم خرجت من جسمك مش حيلجأ للسمنه كوسيله حمايه... ولما يسلك القولون ساعده بالفحم النشط و طين البنتونايت من وقت للثاني. ماتنسى ملعقتين كزبرة في اليوم حتى ترتبط بالمعادن الثقيله اللي اتحررت في الدم و تساعدك في طردها بأمان... شخصيا أشوف الزيولايت البخاخ فكرة ممتازه جدا. وإتعلم أصول عمليه الهضم... النشويات والسكريات يهضمهم اللعاب يعني إمضغ جيدا جدا جدا جدا... البلع والدردبه غلط. البروتينات تهضمهم المعده... يعني حمض المعده هو الأساس لا تثبطه بمضادات الحموضه.. بالعكس نشطه بشويه خل تفاح مع ماء قبل الوجبه الكبيرة. الدهون تهضمها أملاح الصفراء من الكبد و المرارة... لذلك لازم تهتم بصحه الكبد. البروبايوتك من مفاتيح صحه الجهاز الهضمي والمناعه إحرص عليه. ماعندي دايت إيه ناكل و ايه نشرب... كل واشرب كل ماهو صحي لكن إسمع لإشارات المعده لما تخبرك كفايه و تجاهل إشارات اللسان اللي مهما يبلع مايشبع.



528 views

2019 Wisdom369

Find More About Us :

  • YouTube - Grey Circle
  • Instagram - Grey Circle